普通人有 5 節腰椎,點解我得 4 節? 究竟人體的腰椎有幾多節? 一般人有5節腰椎 (Lumbar Spine),腰椎下面有由 5 節骶椎融合組成既骶骨 (Sacrum),但喺脊骨發展過程中,有時候會因為第5腰椎整個或者部份同骶骨都融合埋,變成得返 4 節腰椎,叫做腰椎骶化 (Lumbar Sacralizatoin)。

除咗4節腰椎,有啲人更會有 6 節腰椎!原因係骶椎第 1 節無同其他骶椎融合到,它自己獨自發展成為第 6 個腰椎,叫做骶椎腰化 (Sacral Lumbarization)。而其中有 6 節腰椎既機會要比得 4 節腰椎更低!

雖然有 4 節腰椎或 6 節腰椎通常都無問題,但有時間因為結構唔平衡 (例如腰椎局部融合令左右受力唔同),或者同隔離既髂骨 (Ilium)不斷磨擦而造成假關節 (Pseudo Joint),就有可能產生痛楚。

所以下次睇到自己嘅X光片可以數下自己有幾多節腰椎喇! 如果您有任何疑問,請隨時與脊醫聯繫。

腰椎有幾多節
唐大暉脊醫

唐大暉脊骨神經科醫生。專業資格:香港註冊脊醫、香港註冊物理治療師、美國西省大學脊骨神經科博士、香港理工大學物理治療(榮譽)學士、香港浸會大學物理治療師針灸專業進修文憑。專注範圍包括頭痛,頭暈,頸痛腰痛,椎間盤 突出,脊柱側彎,坐骨神經痛,肩周炎,孕婦背痛,學童脊骨保健,足底筋膜炎等等。網上搜尋唐大暉脊醫診所電話